Konstitýtsiia kúnine arnalǵan is-sharalar onlain formatta uiymdastyrylady, dep habarlaidy "Ult aqparat" elorda ákimdiginiń saityna silteme jasap.
Elordada Qazaqstan Respýblikasy Konstitýtsiiasynyń 25 jyldyǵyna arnalǵan is-sharalar jospary bekitildi. Atap aitsaq, 10-29 tamyzda «Konstitýtsiia bostandyqtyń kepili» án chellendji bastalady.
14 tamyz kúni Ál-Farabi atyndaǵy oqý-tárbie ortalyǵy ashylady.
Ortalyqtandyrylǵan kitaphanalar júiesi 15-31 tamyz aralyǵynda illiýstratsiialyq kitap – onlain-installiatsiia usynady.
Al, 25 tamyzda «Men óz quqyǵymdy bilemin» atty balalar sýret baiqaýy ótedi.
26 tamyzda Ál-Farabi atyndaǵy oqýshylar saraiynda «Ata zańym – ardaǵym» aqyndar baiqaýy uiymdastyrylsa,
Qalalyq Memlekettik arhivi 27 tamyz-4 qyrkúiek aralyǵynda Konstitýtsiianyń 25 jyldyǵyna arnalǵan kórme ótkizedi.
28 tamyz kúni «Naz» memlekettik bi teatry «Ata zań - eldiń aibyny, erkindigi, bailyǵy» atty onlain kontsert qoiady.
Sondai-aq 28 tamyzda «halyq dop» boiynsha «Elordalyq balalar – sporttyq aýysym» atty chempionat ótedi. 29-30 tamyzda áleýmettik jaǵdaiy tómen otbasylarǵa arnalǵan EMB qaiyrymdylyq sharalary uiymdastyrylady.
«Jastar teatry» 30 tamyz kúni áleýmettik jeli arqyly «Aibarly asqar eldi asqaqtatar Ata Zań» atty onlain-kontsert tartý etedi. Dál sol kúni «Nomad» teatry akterleri patriottyq ándermen onlain quttyqtaý joldaidy.
30 tamyzda elordalyq filarmoniia ártisteri Astana kontsert zalynda
Konstitýtsiia kúnine arnalǵan kontsert ótkizedi.
Sondai-aq, Konstitýtsiianyń 25 jyldyǵyna arnalǵan dóńgelek ústel otyrysyn ótkizý,«Qazaqstan Respýblikasynyń Konstitýtsiiasyna 25 jyl», «Qazaqstan halqynyń Assambleiasyna 25 jyl» mereitoilyq medaldarymen qoǵam belsendilerin marapattaý josparlanyp otyr.
