Elordada avtokólik urlyǵyna qatysy bar degen kúdikpen eki jas jigit ustaldy, dep habarlaidy QazAqparat.
«A. Zataevich kóshesi boiynda bolǵan qalanyń eki turǵyny esigi qulyptanbaǵan «Vaz 2115» kóligin baiqap qalǵan. Keiinnen olar bul avtomobildiń akkýmýliatoryn jymqyryp ketken. Olardyń bul áreketi syrtqy baqylaý beinekamerasyna túsip qaldy», - delingen qalalyq politsiia departamentiniń málimetinde.
Kúdiktilerdiń qylmystyq áreketi osymen toqtamaǵan, urlanǵan zatty kóterip alyp, Aqan seri kóshesine qarai baǵyt alǵan. Sol mańda esigi ashyq qalǵan taǵy bir «Vaz» kóligin baiqap qalady. Osy múmkindiktikti paidalanyp, kúdiktiler kólikti otaldyryp, minip ketedi.
«Politseiler kólikti izdep taýyp, kúdiktilerdi quryqtady. Olar buryn qylmystyq jaýapqa tartylǵan eken, biri 18 jasta bolsa, ekinshisi 22-ge tolǵan. Eki fakti boiynsha sotqa deiingi tergeý amaldary júrip jatyr. Olardyń osy tektes qylmystarǵa qatystylyǵy tekserilip jatyr» - dep atalyp ótken habarlamada.
