Nur-Sultan qalasynda Qazaqstannyń depozitterge kepildik berý qorynyń keńsesi ashyldy, dep habarlaidy "Ult aqparat".
Qordyń málimetinshe, elordalyq keńse Nur-Sultan qalasyndaǵy jáne respýblikanyń irgeles aimaqtaryndaǵy májbúrlep taratylatyn bankter salymshylarynyń ótinish-shaǵymdary men ótinishterin jedel qaraýǵa múmkindik beredi.
Keńse depozitterge kepildik berý júiesine qatysýshy bankterde depoziti bar jeke tulǵalarmen jumys júrgizedi. Keńsede kepildik berilgen ótemdi tóleýge qujattar, sondai-aq ótinishterdi (shaǵymdardy) qabyldanaday; qordyń qyzmeti jáne depozitterge kepildik berý júiesi máseleleri boiynsha keńes beriledi..
Barlyq suraqtar boiynsha salymshylar «Nur-sáýlet» biznes ortalyǵyndaǵy qordyń keńsesine, 104 kabinetke, nemese 8 701 494 83 70, 8 776 192 28 38 telefondary arqyly habarlasa alady.
Aita keterligi, «Qazaqstannyń depozitterge kepildik berý qory» AQ – bul 1999 jyly ekinshi deńgeidegi bankter salymshylarynyń quqyqtary men zańdy múddelerin qorǵaý úshin qurylǵan QR Ulttyq bankiniń uiymy.
Qor bank qyzmeti májbúrlep toqtatylǵan jaǵdaida jeke tulǵalar men jeke kásipkerlerdiń aqshasyn qaitarý boiynsha depozitterge kepildik berý júiesine qatysýshy bankterdiń mindettemelerine kepildik beredi. Qazirgi ýaqytta depozitterge kepildik berý júiesine 26 bank qatysýda.
