Nur-Sultan qalasynyń bas sanitarlyq dárigeri Janna Pralieva koronavirýsqa qatysty talaptar saqtalmasa, onda qatań karantindik sharalardyń qaita qabyldanýy múmkin ekendigin aitty, dep habarlaidy "Ult aqparat".
«Esepti kezeńde farmatsevtikalyq kompaniialar qyzmetiniń monitoringi nátijeleri boiynsha 102 sýbekt tirkelmegen dárilik preparatty satý jáne dári-dármekterge belgilengen shekti ruqsat etilgen baǵadan asyp ketý faktileri boiynsha ákimshilik jaýapkershilikke tartyldy», - dedi ol baspasóz máslihatynda.
Sonymen qatar ol dárigerler men mamandar birneshe ret turǵyndardy betperde taǵý, áleýmettik qashyqtyqty saqtaý, adamdar kóp jinalatyn jerlerge barýdy shekteý týraly qarapaiym talaptardy oryndaýǵa úndeý jasaǵanyn atap ótti.
«Biraq bárimiz kórip otyrǵanymyzdai, bul talaptar elenbeidi jáne saqtalmaidy. Eger osylai jalǵasa berse, jalpy qala boiynsha KVI aýrýynyń ósýine ákelýi múmkin. Biz belgili bir qyzmet túrlerin toqtata otyryp, qatań shekteý jáne karantin sharalaryn qaita engizýge májbúr bolamyz. Osyǵan bailanysty taǵy da qala turǵyndary men qonaqtaryn shydamdylyqqa, sanitarlyq erejelerdi saqtaýǵa shaqyramyn. Sebebi virýstyń taralýy jalǵasýda», - dedi Pralieva.
