Elorda ákiminiń orynbasary Baqtiiar Mákenniń tóraǵalyǵymen COVID-19 ekinshi tolqynyna daiyndyq jáne mobildi toptar jumysy talqylandy, dep habarlaidy "Ult aqparat" qala ákimdiginiń resmi saityna silteme jasap.
QR Prezidenti Qasym-Jomart Toqaevtyń COVID-19 ekinshi tolqynyna daiyndyq týraly tapsyrmasy aiasynda elordada karantin sharalarynyń saqtalýyna monitoring jáne baqylaý jónindegi sharalardy kúsheitý týraly buiryq berildi. Erejelerdi jii buzatyn nysandar oiyn-saýyq mekemeleri, qoǵamdyq tamaqtaný uiymdary – kafeler, meiramhanalar, karaoke, barlar, saýda ortalyqtary men bazarlar bolyp otyr.
Nur-Sultan qalasy ákiminiń orynbasary Baqtiiar Máken mobildi toptar jumysyn kúsheitýdi jáne kásipkerlik sýbektilerine kúndelikti túngi jáne kúndizgi reidter júrgizýdi, karantindi buzýshylardy jaýapkershilikke tartýdy tapsyrdy.
«Sonymen qatar, COVID-19 ekinshi tolqyny bolǵan jaǵdaida dári-dármek jetispeýshiligi men dárihanalarda baǵanyń ósýine jol bermeý qajet. Jaýaptylar dári baǵasyn qatań baqylaýǵa alýy kerek. Basqa elderden keletinder úshin mindetti PTR testileý qajet», – dedi B.Maken.
Maska taǵý tártibin saqtamaǵan azamattarǵa da shara qoldanylady.
