Sáýir aiynda 60 myńnan astam elordalyqqa vaktsina egý josparda bar. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy "Ult aqparat".
«Jalpy elordada 647 myń adamǵa vaktsina egiledi dep josparlanǵan. Sáýir aiynda 60 myńnan astam adamǵa vaktsina egý josparda bar. Ary qarai vaktsinanyń kelip jetýine bailanysty jospardy oryndai beremiz. Jazdyń ortasyna qarai jospar oryndalady dep oilaimyn», - deidi Nur-Sultan qalasynyń Qoǵamdyq densaýlyq saqtaý basqarmasynyń basshysy Timýr Muratov.
Ol elordalyqtarǵa qandai vaktsina egiletini týraly aitty.
«Ázirge «Spýtnik V» vaktsinasy egiledi dep josparlanýda. Basqa vaktsinalarǵa qatysty suraqtarǵa jaýap berý meniń quziretimde emes. Qazirgi ýaqytta QR Densaýlyq saqataý ministrligi basqa vaktsinalardy satyp alý boiynsha máseleni qarastyryp jatyr», - deidi ol.
Búgingi tańda elordada birinshi komponent boiynsha 10 861 adam, al ekinshi komponent boiynsha 3 024 adam vaktsina alǵan.
«Koronavirýsqa qarsy vaktsina egý jumystary jalǵasýda. Búgingi tańda birinshi komponent boiynsha 10 861 adam vaktsina aldy. Ekinshi komponent boiynsha 3 024 adam vaktsina aldy. Vaktsina alǵan meditsina qyzmetkerleriniń sany – 4836, pedagogtar sany – 1945, sozylmaly aýrýlary bar adamdar sany – 1071, quqyq qorǵaý qyzmeti salasyndaǵy qyzmetkerler sany – 1207, al basqa toptaǵy adamdar sany – 1802. Vaktsina egilgennen keiin densaýlyǵynda aqaý paida bolǵandar tirkelgen joq», - Timýr Muratov.
Onyń aitýynsha, 36 alǵashqy meditsinalyq-sanitarlyq kómek kórsetý uiymdarynda birinshi jáne ekinshi komponentterge arnalǵan vaktsina jasaý bólmeleri jáne vaktsina egilgennen keiin patsientterdi baqylaýǵa arnalǵan kútim bólmeleri turaqty rejimde jumys istep jatyr.
«Barlyq emhanada vaktsinalar epidemiologiialyq talaptarǵa sai saqtalyp jatyr», - deidi ol.
