Nur-Sultan qalasynda halyq sýǵa túsetin 23 orynnyń 3-eýinde ǵana shomylýǵa resmi ruqsat berilgen. Bul týraly elorda ákimdiginiń onlain baspasóz máslihatynda aityldy, dep habarlaidy "Ult aqparat".
«Statistika boiynsha, qazirgi ýaqytta sýdan qaza bolýdyń 80% azamattardyń mas kúide shomylýyna bailanysty, sondai-aq jabdyqtalmaǵan jáne tyiym salynǵan oryndarda shomylý bolyp otyr. Ystyq kúnderi jaǵajailarda demalýshylardyń sany myńnan asyp ketedi. Sondyqtan árbir azamat sýdaǵy qaýipsizdik erejelerin oryndaýy tiis», - deidi Nur-Sultan qalalyq Tótenshe jaǵdailar departamenti basshysynyń orynbasary Esen Baiyrov.
Onyń aitýynsha, tekseris komissiiasy elordada halyq shomylatyn 23 oryndy anyqtaǵan.
«Onyń ishinde úsheýi – Nur-Sultan qalasy ákimi Altai Kólginovtiń qaýlysyna sáikes ruqsat etilgen oryndar. Olar: «Ortalyq jaǵajai», «Tri peskaria» jáne «Astanalyq aýla» demalys aimaqtary. Qalǵan 20 orynǵa sýǵa shomylýǵa tyiym salynǵan», - deidi ol.
