Balalardyń baqylaýsyz qalýynyń aldyn alý úshin elordalyq politseiler túnde reid júrgizip jatyr, dep habarlaidy "Ult aqparat" Nur-Sultan qalalyq PD baspasóz qyzmetine silteme jasap.
«Iývenaldyq politsiia ýchaskelik inspektorlary saǵat 22.40-ta «Tekila» klýbynda júrgen 22 kámelet jasqa tolmaǵan jasóspirimdi anyqtap, politsiiaǵa jetkizdi. Olar salynǵan tyiymǵa qaramastan klýbta dosynyń týǵan kúnin atap ótpek bolǵan», - dedi elordalyq politsiia departamentiniń baspasóz qyzmetinen.
Olardyń zańdy ókilderimen profilaktikalyq áńgime júrgizilip, QR Ákimshilik kodeksiniń 442-baby boiynsha ákimshilik quqyq buzýshylyq týraly hattama toltyryldy.
Jasóspirimderdiń oiyn-saýyq oryndarynda júrgeni úshin olardyń ata-anasymen birge kóńil-kóterý oryndarynyń iesi de jaýapqa tartylady. Ǵimarat iesine qatysty material jinaqtalyp, ákimishilik jaýapqa tartý úshin ýákiletti organǵa jiberildi.
Nur-Sultan qalalyq politsiia departamenti ata-analarǵa saǵat 22:00-den keiin balalardyń baqylaýsyz syrtta júrgeni úshin jaýapqa tartylatynyn eskertedi.
