Elordada esirtki satatyn tórt jasyryn internet-dúken joiyldy, – dep habarlaidy Polisia.kz.
Jaqynda elorda turǵyndary Jangeldin jáne Jeltoqsan kósheleriniń qiylysynda politsiia qyzmetkerleriniń 23 jastaǵy esirtki satýshyny ustaýyna kýá boldy.
Nur-Sultan qalasy PD esirtki qylmysyna qarsy is-qimyl bólimshesiniń jedel qyzmetkerleri Telegram messendjerinde tórt jasyryn internet-dúkenniń ákimshisi bolǵan jáne qala aýmaǵynda sintetikalyq esirtkini ózi satqan jergilikti turǵyndy ustady.
Kúdikti elorda aýmaǵynda sintetikalyq esirtkilerdi jetkizýmen jáne ótkizýmen ainalysatyn jáne “Refleks” arnaiy operatsiiasy aiasynda ustalǵan adamdar tobynyń áleýmettik jelilerdegi bailanystary men akkaýnttaryn zerdeleý kezinde politsiianyń nazaryna ilikti.
Ustalǵan kezde odan 5 bank kartasy, úsh uialy telefon tárkilendi. Tintý barysynda atalǵan telefondarǵa klientterden esirtki satýǵa tapsyrystar túsip jatty.
Ustalǵan azamattyń páterinde seifte satýǵa daiyndalyp qoiǵan mefedron salynǵan 64 túiir býma, 28 MDMA tabletkasy, sondai-aq úsh elektrondyq tarazy, býyp-túiý materialy, 10 mln. teńge jáne 23 myń AQSh dollary somasyndaǵy aqsha tabyldy.
Sonymen qatar, bir mezgilde Kravtsov kóshesinde esirtki ótkizýshimen bailanysy bar 24 jastaǵy boijetkendi ustaý júrgizildi.
Onyń jaldap otyrǵan páterinen ótkizý úshin daiyndalǵan mefedronnyń 36 túiini jáne esirtkini ólshep-oraýǵa arnalǵan qurylǵylar tárkilendi. Sembinov kóshesindegi úidiń aýlasynan esirtki jasyrylǵan 5 oryn joiyldy.
Elordalyq esirtki politseileriniń jedel jumysynyń nátijesinde qala aýmaǵynda esirtki satatyn tórt internet-dúken qyzmetiniń joly kesilip, joiyldy, sintetikalyq psihobelsendi zat – mefedronnyń 200-ge jýyq bir rettik dozasy tárkilendi.
Atalǵan faktiler boiynsha QR QK-niń 297-babynyń 3-bólimi (Esirtki zattardy ótkizý maqsatynda zańsyz daiyndaý, satyp alý, saqtaý nemese aldyn ala sóz bailasý boiynsha adamdar tobynyń ótkizýi) boiynsha qylmystyq is qozǵaldy. Ol múlkin tárkileýmen 10 jyldan 25 jylǵa deiin bas bostandyǵynan aiyrý túrindegi qylmystyq jaýapkershilikiti kózdeidi.
Ustalǵandarǵa esirtki internet-dúkenderin ákimshilendirý boiynsha quqyqtyq baǵa sotqa deiingi is júrgizý barysynda beriletin bolady.
IIM Esirtki qylmysyna qarsy is-qimyl departamenti bastyǵynyń orynbasary Asqar Muhametqaliev túsindirgenindei, búginde politsiianyń negizgi kúsh-jigeri sintetikalyq esirtki saýdasyn uiymdastyrýshylar men iri satýshylardy beitaraptandyrýǵa jáne jaýapqa tartý baǵyttalǵan.
Jyl basynan esirtki qylmysyna qarsy is-qimyl bólimsheleri qyzmetkerlerimen esirtki jarnamalaityn jáne satatyn 915 sait buǵattaldy.
