Elordada epidemiologiialyq jaǵdai turaqsyz bolyp tur. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aitty, dep habarlaidy QazAqparat.
«Nur-Sultan qalasyndaǵy COVID-19 infektsiiasy boiynsha epidemiologiialyq jaǵdai turaqsyz bolyp qalýda. Epidemiologiialyq jaǵdaidy baǵalaý matritsasy boiynsha 1 ai qyzyl aimaqta turmyz. Osy jyldyń basynan beri qala boiynsha syrqattanǵandar sany 15 myńnan asty. Pandemiia bastalǵannan beri 34 007 jaǵdai tirkeldi. Onyń ishinde 21 957 simptomdy jáne 12 050 simptomsyz», - dedi ol.
Onyń atap ótýinshe, aqpan aiynda syrqattanýshylyq dinamikasynda qańtarmen salystyrǵanda 25 paiyzǵa tómendeý bolsa, naýryz aiynan bastap elordada syrqattanýshylyqtyń turaqty ósýi baiqalady. Naýryz aiy men sáýirdiń 7 kúniniń qorytyndysy boiynsha qańtar men aqpan ailaryna qaraǵanda 2 338 jaǵdaiǵa kóbirek tirkeldi.
«17 naýryzdan bastap aýrýdyń kúndelikti ósýi 1 paiyzdan asyp, 20-25 naýryz aralyǵynda 0,64 paiyzǵa deiin tómendedi. Sońǵy 12 kúnniń ishinde bul kórsetkish orta eseppen 1,2 paiyzǵa saqtalyp otyr. Sońǵy táýlikte 578 bastapqy jaǵdai tirkeldi. Simpomy bar 404 jaǵdai, simptomsyz 174 jaǵdai. Sońǵy aptadaǵy syrqattanýylyq kórsetkishteri aldyńǵy aptanyń deńgeiinen 23 paiyzǵa joǵary. Júz myń turǵynǵa shaqqandaǵy qarqyndy kórsetkish 249,6-ny qurady. Reprodýktivtilik sany 1-den joǵary», - dedi Sarhat Beisenova.
