Erekshe balasy bar analar el astanasynan Atyraýǵa arnaiy bortpen keldi. Olar 18 naýryzdan beri Nur-Sultanda ońaltý kýrsynan ótken, dep habarlaidy "Ult aqparat" oblystyq TJ rejimin qamtamasyz etý jónindegi jedel shtabqa silteme jasap.
14 jolaýshy mingen ushaq Atyraý halyqaralyq áýejaiyna qondy. Bortta Nur-Sultannan kelgen 7 ana men 7 erekshe bala bolǵan. Olar Respýblikalyq balalardy ońaltý ortalyǵynda emdeý kýrsynan ótken. Biraq Qazaqstanda tótenshe jaǵdai engizilip, qala shekaralarynyń jabylýyna bailanysty emdeý kýrsy aiaqtalǵan soń úilerine qaita almai qalǵan.
«Týǵan jerimizge qaita almai, qiyndyq týyndaǵan soń men óz atymnan jáne barlyq analardyń atynan Atyraý oblystyq jedel shtabyna hat jazyp, bizdi jáne balalarymyzdy úige qaitarýdy ótindim. Kelesi kúni bizge shtabtan habarlasyp, «TShO» kompaniiasynyń qoldaýymen «Air Astana» áýe kompaniiasynyń ushaǵymen Atyraýǵa qaittyq», - deidi erekshe balanyń anasy Saltanat Qonysova.
Aita ketsek, ushyp kelgenderdiń barlyǵy koronavirýsqa PTR-test tapsyryp, bárinde teris nátije kórsetti.
