Elordada ótken eki táýlikte 217 jol-kólik oqiǵasy tirkelgen, dep habarlaidy QazAqparat Polisia.kz-ke silteme jasap.
Elorda aýmaǵynda kún raiynyń sýytýyna jáne jaýyn-shashynnyń mol túsýine bailanysty jol apattarynyń sany kúrt artqany baiqalady. Tek ótken eki táýlik ishinde 217 jol-kólik oqiǵasy bolǵan.
2 qarashada 23 jastaǵy júrgizýshi S.Seifýllin kóshesinde kele jatyp, kóktaiǵaqta rýlge ie bola almai qalyp, qarsy jolaqqa shyǵyp ketken. Saldarynan qarsy baǵyttaǵy marshrýttyq avtobýspen jáne avtokólikpen soqtyǵysqan. Apattan zardap shekken adamdar bar.
«Ókinishke orai, jol kólik oqiǵasyna qatysýshylar apat týraly politsiiaǵa habarlamai oqiǵa ornynan ketip qalý jaǵdailary jii kezdesedi. Jyl basynan beri elordada júrgizýshiler oqiǵa ornynan qashyp ketken 3 myńǵa jýyq jol-kólik oqiǵasy tirkeldi», - delingen politsiia málimetinde.
