Elordada COVID-19-ben aýyrǵandar sany kúnine 70-ten 143 adamǵa deiin artyp otyr. Bul týraly elorda ákimdiginiń baspasóz ortalyǵynda ótken onlain brifingide aityldy, dep habarlaidy "Ult aqparat".
Búgin elorda ákimdiginde elordadaǵy epidemiologiialyq jaǵdai jáne mektepterdegi karantin shekteýine qatysty brifing ótti.
«Sońǵy aptada aýyrǵandar sanynyń ósýine bailanysty Nur-Sultan qalasyndaǵy COVID-19 infektsiiasy turaqsyz dep baǵalanady. Tirkelgender sany kúnine 70-ten 143 adamǵa deiin artyp otyr. Sońǵy aptada syrqattaný deńgeii aldyńǵy aptadan bastap 9,9%-ǵa joǵary. 10 myń turǵynǵa shaqqandaǵy qarqyndy kórsetkish 59,2%», - deidi Nur-Sultan qalasynyń bas memlekettik sanitarlyq dárigeri Sarhat Beisenova.
Onyń aitýynsha,10 naýryzdan bastap elorda «qyzyl aimaqqa» kirdi.
«Koronavirýs infektsiiasy kóbeiýiniń negizgi sebebi – qala turǵyndarynyń karantin sharalaryn saqtamaýy, kóp jinalatyn qoǵamdyq oryndarǵa barýy, maska taǵýdy eskermeý, aýyrǵan adamdarmen jaqyn bailanysta bolǵandardyń rejimdi saqtamaýy», - deidi ol.
