Altai Kólginov Instagram paraqshasynda biyl elordada bir mln-nan astam jasyl jelek otyrǵyzý josparlanǵanyn málim etti, dep habarlaidy "Ult aqparat" elorda ákimdiginiń resmi saityna silteme jasap.
«Maqsatymyz - elordany ekologiialyq turǵyda qala turǵyndary úshin jasyl ári jaily etý! Biyl 1 mln-nan astam jasyl jelek (aǵashtar, butalar, kóshetter jáne t. b.) otyrǵyzýdy josparlap otyrmyz. Elordanyń jasyl beldeýi de, barlyq aýdandary da qamtylmaq. Tek saiabaq aýmaǵynda otyrǵyzyp qana qoimai, sonymen qatar aýlalarda, eldi mekenderde jáne kógaldandyrý jetkiliksiz jerlerde otyrǵyzamyz.
Búgin «Birge - taza Qazaqstan« ekologiialyq ailyǵyna Qoshqarbaev kóshesinde (Qordai men Tólebaev kósheleriniń arasynda) aǵashtar otyrǵyzyldy. Aýdanda áleýmettik jeńildikti turǵyn úi salyp jatyrmyz, kiltterdi osy jyly beremiz. Sonymen qatar Sh.Aitmatov kóshesinde aǵash otyrǵyzýǵa qatystym. Sharaǵa jastar, eriktiler, «Bolashaq» qaýymdastyǵynyń músheleri, qala turǵyndary qatysty. Sondai-aq qalada kún saiyn elordany sanitarlyq tazalaý jáne abattandyrý jumystary júrgizilip jatyr.
Kórikti jerlerimizdiń aýmaǵynda jasyl araldar paida bolady. «Astana Opera» mańyndaǵy aýmaqta emen baǵy, Triatlon saiabaǵynda mamyrgúl baǵy, «Astana Balet» aýmaǵynda da ózindik jasyl baq bolady. Sondai-aq pedagogtardyń, dárigerler men qutqarýshylardyń qurmetine skverler ashyp, olardy abattandyramyz.
Osylaisha, ýaqyt óte kele búkil qala boiynsha jasyl araldar paida bolady. Jyldan-jylǵa ekologiialyq aimaqtar sany artpaq. Biraq jasyl keńistikterge tiisti kútim qajet. Ótken jyly aǵashtardy kesý kezinde ótemdik otyrǵyzý eki esege artty. Eger buryn «beske bir» bolsa, qazir «onǵa bir».
Qalany jappai kógaldandyrý ekologiiany jaqsartýǵa jáne qala turǵyndarynyń ýaqytyn ótkizýge arnalǵan oryndardy qurýǵa ǵana emes, sonymen qatar qalanyń klimattyq jaǵdaiyn jumsartýǵa múmkindik beredi.
Memleket basshysy halyqqa Joldaýynda eldi aýqymdy kógaldandyrýdyń mańyzdylyǵyn atap ótti», — dep jazdy elorda ákimi.
