Nur-Sultan qalasyndaǵy birneshe kóshe jáne saiabaqqa tanymal tulǵalardyń esimin berý máselesi qalalyq máslihat otyrysynda qaraldy, dep habarlaidy QazAqparat.
«2022 jylǵy 28 sáýirde ótken qalalyq onomastika komissiiasynyń otyrysynda elordada birqatar kóshe men saiabaqqa ataý berý máselesi qaraldy. Onyń ishinde Almaty aýdanyndaǵy A №24 kóshege Oral Muhamedjanovtyń esimin berý, A №40 kóshege Nurlan Balǵymbaevtyń atyn berý, A №62 kóshege Safýan Shaimerdenovtiń esimin berý qarastyrylyp otyr. Sol siiaqty Abylai han dańǵylyndaǵy Dina Nurpeisovanyń eskertkishi ornalasqan saiabaqqa «Qazaq eliniń kúishileri men kúishi-kompozitorlarynyń» alleiasy degen ataý berý usynylady», - dedi Nur-Sultan qalasy tilderdi damytý jáne arhiv isi basqarmasynyń basshysy Sáken Esirkep máslihat otyrysynda jasaǵan baiandamasynda.
Sondai-aq Esil aýdany boiynsha №202 kóshege Nurken Ábdirovtiń, E №101 kóshege Oljabai batyrdyń, E №111 kóshege Sherhan Murtazanyń, E №324 kóshege Dúkenbai Dosjannyń, E №325 kóshege Erkeǵali Rahmadievtiń, E №357 kóshege Aleksandar Syzǵanovtyń, E №486 kóshege Erkin Áýelbekovtiń, E №576 kóshege Qanai bidiń, E №577 kóshege Hamza Esenjanovtyń, E №578 kóshege Bopai hanymnyń, E №579 kóshege Qaireden Qarbaevtyń, E №580 kóshege Sabyr Niiazbekovtiń, E №582 kóshege Bertis bidiń, E №607 kóshege Qurman Tastanbekovtiń, E №608 kóshege Sholpan Jandarbekovanyń, E №757 kóshege Aqseleý Seidimbektiń, E №758 kóshege BAÁ-niń burynǵy prezidenti Sheih Halifa ben Zaid ál-Nahaiannyń, E №889 kóshege Barlybek Syrttanulynyń, E №890 kóshege Ermuqan Bekmahanovtyń, E №898 kóshege Tursynbek Kákishevtiń esimin berý usynyldy.
