Nur-Sultan qalasynyń politsiia departamenti elordada kópqabatty úidiń shatyrynda shyǵyp oinap, velosiped tepken balalardyń videosyna qatysty mán-jaidy túsindirdi, dep habarlaidy "Ult aqparat".
«Áleýmettik jelilerge taldaý júrgizý barysynda elordadaǵy «Arman Qala» turǵyn úi keshenindegi parkingtiń shatyrynda bir top balanyń velosiped teýip júrgenin anyqtadyq. Oqiǵa ornyna birden politsiia qyzmetkerleri attandy.
Anyqtalǵanyndai, parkingtiń shatyrǵa shyǵatyn esigi ashylyp qalyp, balalar sol jaqtan kirip ketken. Turǵyn úi keshenine qyzmet kórsetetin uiymmen júrgizilgen jumys barysynda ol esikke qulyp salyndy. Úidiń turǵyndarymen túsindirý jumystary júrgizildi», - dep habarlaidy departamentten.
Nur-Sultan qalasynyń politsiia departamenti ata-analardy balalardy qaraýsyz qaldyrmaýǵa shaqyrady.
«Eger siz shatyrǵa nemese parkingke shyǵatyn esiktiń ashyq turǵanyn kórseńiz, turǵylyqty jerdegi PIK-ke birden habar berińiz», - dep eskertedi politsiia.
