11-17 qazan aralyǵynda Nur-Sultan qalasynyń aýmaǵynda kólik urlaý qarsy áreket etý maqsatymen «Avtomobil» jedel-aldyn alý sharasy júrgizildi, dep habarlaidy QazAqparat Nur-Sultan qalasynyń Politsiia departamentiniń baspasóz qyzmetine silteme jasap.
Shara barysynda astana politseileri 2021 jyly shyǵarylǵan «Lexus LX 450D» avtokóligin anyqtady. Atalǵan kólik osy jyldyń naýryzynda aidap áketilip, Reseidiń Astrahan oblysynyń aýmaǵynda izdeý jariialanǵan. Qazirgi kezde kólik kommýnaldyq turaqqa qoiyldy, sotaldy tergeý júrip jatyr.
Jedel-aldyn alý sharasy barysynda avtokólik urlaǵany úshin jeti azamat qylmystyq jaýapqa tartylyp, alty kúdikti qamaýǵa alyndy, urlanǵan 28 avtokólik anyqtaldy. Avtokólikti aidap ketýdiń jeti faktisi anyqtalǵan, olardyń altaýy budan buryn jasalǵan.
Bir aptanyń ishinde politsiia qyzmetkerleri 250-den astam garaj kooperativin, jeke menshik avtosheberhanany, tehnikalyq qyzmet kórsetý stantsiiasyn, avtoturaqty, 300-den astam avtokólikti bólshekteý men olardy satý pýnktin tekserip shyqty.
