Elordada 2021 jyldyń II toqsanyna ataýly áleýmettik kómek alý úshin ótinishter qabyldaý bastaldy, dep habarlaidy "Ult aqparat" qala ákimdigine silteme jasap.
Qaýipti infektsiianyń taralýyna jol bermeý maqsatynda ótinish berýshimen tikelei bailanysty boldyrmaý jáne toptalyp jinalmaý úshin qujattar elektrondy úkimet portaly arqyly onlain túrde qabyldanady. Ótinish berýshi qujattardy egov.kz elektrondy úkimet portaly arqyly onlain túrde tapsyrady. Osy maqsatta Jumyspen qamtý ortalyǵynyń tórt aýdany (Almaty, Saryarqa, Esil, Baiqońyr) mamandary Zoom platformasynda qujattardy tapsyrý barysyn túsindirip, videonusqaýlyq usynyp otyr.
Videonusqaýlyqty myna siltemeden kórýge bolady.
Qujattardy qabyldaý 1-30 sáýir aralyǵynda júrgiziledi. Qazirgi ýaqytta Nur-Sultan qalasy boiynsha 3 700-den astam otbasyǵa AÁK taǵaiyndaldy.
Aita keteiik, ataýly áleýmettik kómek — tabysy eń tómengi kúnkóris deńgeiiniń 70%-ynan tómen árbir otbasy múshesine toqsan saiyn taǵaiyndalatyn aqshalai tólem.
