Eskirgen nemese apattyq jaǵdaidaǵy úidiń turǵyndaryna burynǵy baspanasynyń kólemine sáikes páter beriledi, dep habarlaidy QazAqparat.
Nur-Sultan qalasynyń turǵyn úi jáne turǵyn úi inspektsiiasy basqarmasynyń mamandary redaktsiia joldaǵan saýalǵa osylai dep jaýap berdi.
«Jobanyń sharttaryna sáikes, apatty úilerdiń menshik ielerine buzylatyn turǵyn úidiń bólmeleriniń sanyna jáne otbasy músheleriniń sanyna (biraq bir bólmeli páterden kem emes) bailanystyrmai, buzylatyn apattyq turǵyn úidiń ornyna aýdany boiynsha teń mólsherdegi jańa páterler beriledi», - delingen jaýapta.
Basqarma mamandary súrilgen nysan turǵyn úi bolmasa onyń shyǵyny aqshalai da qaitarylýy múmkin eskertedi.
«Turǵyn emes úi-jailardyń menshik ielerine menshik iesiniń qalaýy boiynsha múliktiń naryqtyq quny boiynsha aqshalai ótemaqy nemese aýdany boiynsha kólemi birdei turǵyn emes úi-jailar beriledi», - deidi ákimdik ókilderi.
