Elordadaǵy kúzgi aýyl sharýashylyǵy jármeńkeleriniń maýsymy búgin-erteń aiaqtalady, - dep habarlaidy Ult aqparat Baq.kz-ke silteme jasap.
Aýa-raiynyń qolaisyzdyǵyna, sonymen qatar astyq jinaýdyń jalǵasýyna bailanysty Aqmola oblysynyń aýyl sharýashylyǵy ónimderiniń jármeńkesi aldaǵy 26-27 qazanynan 19-20 qazanǵa aýystyryldy.
Bul kúnderi eki óńir - Soltústik Qazaqstan oblysy men Aqmola oblysynyń aýylsharýashylyq jármeńkesi Han shatyry OSO aýmaǵynda birge ótedi.
Uiymdastyrýshylardyń aitýynsha, bul osy jyldyń sońǵy óńirlik jármeńkesi bolmaq.
Esterińizge sala keteiik, kúzgi aýyl sharýashylyǵy jármeńkeleriniń maýsymy tamyz aiynyń sońynda bastalǵan bolatyn. Jármeńkege barlyǵy 12 oblys qatysty. Atalǵan jármeńkege óńirler 3,5 myń tonnadan astam túrli ónimder ákelip, elorda bazarlaryndaǵy baǵadan 10-15 paiyz tómen baǵamen satty.
