Nur-Sultan qalasynyń ákimi Altai Kólginov elordalyqtardy baspanamen qalai qamtitynyn aitty, dep habarlaidy QazAqparat tilshisi.
Elorda ákimdiginde QR Prezidenti Qasym-Jomart Toqaevtyń qatysýymen ótken Úkimettiń keńeitilgen otyrysynda júktelgen mindetterdi oryndaý boiynsha jiyn ótti.
Altai Kólginov qala aktiviniń aldynda Memeleket basshysynyń tapsyrmalary qalai júzege asatynyn baiandady.
«Zertteý qorytyndysy kórsetkendei, eń negizgi áleýmettik másele – turǵyn úi. Baspana kezeginde 46 829 adam tur. Olardyń ishinde kópbalaly otbasylardyń sany – 3 501», - dedi qala basshysy.
Ákimniń aitýynsha, «Nurly jer» memlekettik baǵdarlamasy boiynsha 24 kópbalaly otbasy baspanamen qamtylǵan. Bul jumystar áli da jalǵaspaq.
«Biyl kommýnaldyq turǵyn úi qorynan 1634 páter bólemiz. Onyń 731-i arendalyq negizde beriledi. Onyń 233-ine kópbalaly otbasylar ielik etetin bolady. Biyl barlyǵy 1500 turǵyn úi sertifikatyn berý josparlanýda. Onyń 1 myńy kópbalaly, tolyq emes, múgedek balalary bar otbasylarǵa beriledi, 500 sertifikat bilim, densaýlyq saqtaý jáne politsiia departamentiń qyzmetkerlerine úlestiriledi», - dedi Altai Kólginov.
Baspanamen qamtý sharalary «Baqytty otbasy» baǵdarlamasy aiasynda da jalǵasatyn tabatynyn aitqan elorda ákimi memlekettiń bul túrǵydaǵy múmkindigi sheksiz emes ekenin eske saldy.
«Memleket bir mezette barlyǵyna birdei baspana bere almaidy. Biraq, bizdiń qolymyzda basqa da turmystyq máselelerdi sheshetin múmkindikter bar», - dedi ol.
Eske salsaq, keshe QR Prezidenti Qasym-Jomart Toqaev Úkimettiń keńeitilgen otyrysyn ótkizgen bolatyn.
