Qaladaǵy qazirgi epidemiologiialyq jaǵdai, COVID-19 tirkelýiniń kúrt ósýine bailanysty Nur-Sultan qalasynyń bas memlekettik sanitarlyq dárigeriniń qaýlysy qabyldandy. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy "Ult aqparat".
«Qaladaǵy qazirgi epidemiologiialyq jaǵdai, COVID-19 tirkelýiniń kúrt ósýine bailanysty Nur-Sultan qalasynyń bas memlekettik sanitarlyq dárigeriniń «Nur-Sultan qalasynda shekteý jáne karantindik sharalardy kúsheitý jónindegi qosymsha sharalar týraly» qaýlysy qabyldandy. Onda áleýmettik-ekonomikalyq nysandarda jumys rejimine qatysty ózgerister engizildi», - deidi Sanitarlyq-epidemiologiialyq baqylaý departamentiniń basshysy, Nur-Sultan qalasynyń bas sanitarlyq dárigeri Sarhat Beisenova.
Onyń aitýynsha, 30 naýryz ben 11 sáýir aralyǵynda tómendegi mekemelerdiń qyzmetine shekteý qoiylady:
— Saýda oiyn-saýyq ortalyqtary, saýda úileri men azyq-túlik emes taýarlardy satatyn saýda jelileri jumys kúnderi saǵat 10.00-den 17.00-ge deiin jumys istese, demalys kúnderi jumys isteýge tyiym salynady. (Bul ereje atalǵan nysandardyń ishinde ornalasqan dárihanalarǵa, azyq-túlik pen qajetti zattardy satatyn minimarketterge, sýpermarketterge, gipermarketterge, sondai-aq osy qaýlymen olardyń ornalasqan jerine qaramastan qyzmetine ruqsat etilgen nysandarǵa qatysy joq);
— Demalys kúnderi jumys isteýge tyiym sala otyryp, jumys kúnderi tamaqtaný obektileriniń jumysyn 22.00 saǵatqa deiin shekteý;
— Jumys kúnderi men senbi kúni ashyq aspan astyndaǵy azyq-túlik jáne azyq-túlikke jatpaityn taýar satatyn bazarlardyń jumysyn saǵat 10.00-den 18.00-ge deiin shekteý. Jeksenbide jumys isteýge tyiym salynady.
Odan bólek, Demalys kúnderi jumys isteýge tyiym sala otyryp, jumys kúnderi saǵat 10.00-den 20.00-ge deiin jumys kestesin belgilei otyryp, azyq-túlik jáne azyq-túlikke jatpaity taýardy satatyn jabyq bazarlardyń jumysyna shekteý qoiylady;
Jeksenbi kúnderi qoǵamdyq kólikterge shekteý qoiylady;
Sporttyq nysandar (sport keshenderi, sport mektepteri, sport klýbtary, jattyǵý zaldary) jumys kúnderi saǵat 7.00-den 22.00-ge deiin jumys isteidi. Demalys kúnderi jumys isteýge jáne toptyq jattyǵýlarǵa tyiym salynady;
Fitnes-ortalyqtar, fitnes klýbtar, sporttyq-saýyqtyrý oryndary, jabyq basseinder, SPA-ortalyqtar, SPA-salondar jumys kúnderi saǵat 7.00-den 22.00-ge deiin jumys isteidi. Demalys kúnderi jumys isteýge jáne toptyqjattyǵýǵa tyiym salynady. (Bul erejeniń «Ashyq» pilottyq jobasyna qatysatyn nysandarǵa qatysy joq. Olar úshin «sary aimaq» boiynsha ólshemder qoldanylady).
Qoǵamdyq monshalar, saýnalar, jeke jaǵajailar men akvaparkter jumys kúnderi 8.00-den 23.00-ge deiin jumys isteidi. Demalys kúnderi jumys isteýge tyiym salady. (Bul eredeniń «Ashyq» pilottyq jobasyna qatysatyn nysandarǵa qatysy joq, olar úshin «sary aimaq» boiynsha ólshemder qoldanylady);
mektepterde oqytýdy 9-11 synyptardy qospaǵanda (tolymdylyǵy 15 adamnan aspýy kerek) onlain formatqa aýystyrý kerek.
Joǵary oqý oryndary men kolledjderdiń birinshi kýrs stýdentterin oqytýdy onlain formatqa aýdarý qajet.
Sondai-aq, animatronika teatrlarynyń, okeanariýmnyń, haiýanattar baǵynyń jumys isteýine, sporttyq jáne buqaralyq is-sharalardy ótkizýge, kontsert zaldarynyń, teatrlardyń jumysyna tyiym salynady.
