Elordada 11 mamyrdan bastap aqyly turaqtar jumys istei bastaidy. Qazaqstan Respýblikasy Prezidentiniń tótenshe jaǵdai engizý týraly Jarlyǵyna bailanysty Nur-Sultan qalasyndaǵy aqyly turaq úshin tólem 20 naýryzdan 11 mamyrǵa deiin toqtatylǵan edi, dep habarlaidy "Ult aqparat".
Turaqtarda parkomattardy antiseptikalyq suiyqtyqtarmen óńdeý únemi júrgiziledi. Parkomat arqyly monetalarmen turaq tóleý kezinde meditsinalyq qolǵaptardy paidalaný usynylady.
Nurjol býlvarynda kólik turaǵy úshin tólem engizý boiynsha pilottyq joba oń nátije kórsetti: osy aýdanda kólik qozǵalysy jaqsardy, kólik turaǵy erejelerin buzý sany azaidy, kólik oryndarynyń ainalymdylyǵy artty, avtomobil turaǵynyń ortasha ýaqyty qysqardy. Joba bastalǵannan beri qala joldaryndaǵy jaǵdaidy jaqsartýǵa alyp keletin turaq aimaqtaryn uiymdastyrý boiynsha úlken jumystar atqaryldy. Eger buryn avtomobil turaǵynyń ortasha ýaqyty 4 saǵatty qurasa, búginde ol 40 minýttan aspaidy. Buzýshylyqtar sanynyń kórsetkishi 63%-ǵa tómendedi.
Aqyly turaqtardyń jumys tártibi: jumys kúnderi tańǵy saǵat 8.00-den keshki 20.00-ge deiin. Demalys jáne mereke kúnderi avtoturaqtar tegin. Aqyly turaq quny - saǵatyna 100 teńge. Aqsha turaq sessiiasy bastalǵanǵa deiin aldyn ala tólem boiynsha engiziledi. Turaq bastalǵan sátten bastap 30 minýt ishinde turaq aqysyn tóleý qajet. Tólemder men aiyppuldardan túsken aqsha qarajaty jol-kólik infraqurylymyn damytý jónindegi qalalyq baǵdarlamalardy qarjylandyrý úshin qala biýdjetine túsedi.
Qazirgi ýaqytta Nurjol býlvarynda 487 turaq orny paidalanýǵa berildi. Árbir turaq qaltasynda barlyq qajetti aqparat kórsetilgen aqparattyq qalqan ornatylǵan. Qalqannyń joǵarǵy jaǵynda turaq aimaǵynyń nómiri ornalasqan, osy nómir arqyly júie turaq ornyn salystyrady. Nómir barlyq turaq qaltasy úshin biryńǵai bolyp tabylady jáne turaq úshin aqy tóleý kezinde kórsetiledi. Aqyly turaqtardy ornatý jáne ashý boiynsha josparly jumys júrgizýshilerge de, jaiaý júrginshilerge de yńǵaily bolýǵa kómektesedi.
«Esil» jáne «Saryarqa» aýdandarynda taǵy 3 381 turaq orny iske qosylýǵa daiyn. Aqyly avtoturaq aimaqtary Bógenbai batyr, Saryarqa, Respýblika dańǵyldarynyń jáne Esil ózeniniń jaǵasynda paida bolady. Bul alańdaǵy turaq qaltalary jumys isteýge qajetti qural-jabdyqtarmen jabdyqtalǵan, jol belgileri, aqparattyq taqtalar men turaq eseptegishteri ornatylǵan. «Esil» aýdanynda Saraishyq, Syǵanaq kósheleriniń, Turan jáne Máńgilik El dańǵyldarynyń sharshy alańynda turaq aimaqtary ornalasqan. Avtoturaq aimaqtaryn paidalanýǵa berý aktileri Nur-sultan qalalyq kólik basqarmasyna jiberildi.
Joǵaryda atalǵan aýdandardaǵy turaq aimaqtary testilik rejimde jumys istep turǵan kezde, aiyppuldar qoiylmaidy. Test kezeńi júrgizýshilerdi jańa infraqurylym jumysynyń printsipterimen tanystyrýǵa arnalǵan. Elorda turǵyndary aqyly turaqtardyń ornalasqan jeri týraly aldyn ala bilip, túrli tólem ádisterin paidalanyp, astanapark.kz saitynda jeke kabinet quryp, «Parkovki Astany» mobildi qosymshasyn júktep ala alady.
