El astanasynda "100 jańa esim" jobasy úshinshi kezeńiniń jeńimpazdary anyqtaldy, dep habarlady Strategy2050.kz.
Úsh kezeńniń qorytyndysy boiynsha, biyl 32 jeńimpaz anyqtalyp otyr. Onyń ishinde 25 qatysýshy onlain daýys berýden eń joǵary daýys jinaǵan, al ádil-qazy alqasy tarapynan 7 qatysýshy usynylǵan.
Joba jeńimpazdarynyń biri 28 jastaǵy Shákárim Seisenbai búgingi kúni mektep-litseide basshylyq qyzmette. Óziniń aitýynsha, basty maqsaty - otandyq bilim salasyn bredke ainaldyrý.
"Men 54 mektep-litseiiniń direktorymyn. Ózim de muǵalimniń ulymyn. Kezinde mektepte joǵary synyp oqýshylary tómengi synyp oqýshylaryna sabaq beretinbiz. Bilim salasynda on jyldan beri qyzmet etip kelemin. Osyǵan respýblikalyq fizika-matematika mektebinde, Nazarbaev ziiatkerlik mektepterinde jumys istdim. Tárbieshi, muǵalim, tárbie isi jónindegi orynbasary boldym. Maqsatym - otandyq bilim salasyn brendke ainaldyryp, jaqsy bir deńgeige kóterilý. Qazir bizge myqty ustazdar qajet. Belgili aqan Maǵjan Jumabaev "Alty alashtyń basy qosylsa, tórdegi oryn ustazdyki" dep beker aitpaǵan. Sol sebepti ustazdyq qyzmettiń mártebesin arttyrý basty maqsattarymnyń biri", - dedi jas ustaz.
Sondai-aq ol óz sózinde qoǵamdaǵy ózekti máseleniń birin atap ótti. Onyń aitýynsha, bilim salasyndaǵy er adamdardyń sanyn arttyrý kerek.
"Direktor bolý qiyn. Alaida adam balasy ózine unaityn isti tańdasa, qai jerde jumys istese de jeńil bolady dep oilaimyn. Bilim salasy maǵan unaidy, men ony jumys retinde kórmeimin, ol meniń ómirimniń bir bólshegi. Qazirgi tańda bilim salasynda er adamdardyń sany azdaý. Ózimniń de ishki bir arman-maqsatym - mektep qabyrǵasyndaǵy er adamdardyń sanyn kóbeitsek. Ol úshin biz qoǵamda muny kóp dáripteýimiz kerek. Mańyzdylyǵyn túsindirýimiz qajet. Adami kapitaldyń damýy kerektigin, soǵan investitsiia quiý qajettigin jete túsindirý jumystaryn júrgizý kerekpiz. Sol sebepti men oilaimyn bilim salasy barynsha dáriptelýi tis. Bilim salasy eń joǵary dárejede bolýy kerek", - dedi Shákárim Seisenbai.
Jalpy, salalar boiynsha toqtalatyn bolsaq, atalǵan joba jeńimpazdarynyń qatarynda qoǵamdyq saladan - 11, ǵylym jáne bilim salasynan - 4, meditsinadan - 2, kásipkerlik saladan - 5, sporttan - 5 jáne mádeniet salasynan 5 maman úzdik atandy.
"100 jańa esim" jobasy úshinshi kezeńiniń 1-kezeńinde ótinimderdi qabyldaidy. Jobaǵa qatysý úshin barlyq azamattar ótinish bere alady. Biyl atalǵan jobaǵa qatysýǵa 1673 azamat ótinish bergen.
Al ekinshi kezeńde onlain daýys beriledi. Qarashanyń 5 pen 25 aralyǵynda 100janaesim.ruh.kz jobanyń resmi saitynda jalpyhalyqtyń onlain daýys berý kezeńi ótti. Jalpy, barlyq joba qatysýshylary úshin 700 myńnan asa daýys berildi.
Sondai-aq sońǵy kezeńde ádil-qazylar alqasynyń otyrysy boldy. Qazylar alqasynyń quramyna ár salada belgili bir jetistikterge jetken belgili azamattar endi.
