«Otbasy bank» AQ ortalyq filialynyń direktory Jansultan Mataev «Elorda jastary» baǵdarlamasyna qandai salanyń jastary qatysa alatynyn atady, dep habarlaidy QazAqparat.
«35 jasqa deiingi jastardy qoldaý baǵdarlamasy Almaty qalasynan bastaý aldy. Nur-Sultan qalasynyń ákimdigimen de osy másele boiynsha jumys júrgizilip jatyr. Munda da paiyzdyq mólsherlemesi 5 paiyz, alǵashqy jarna 10 paiyz, nesieniń merzimi – 25 jylǵa deiin. Bul jerde jergilikti ákimdik qandai salanyń jastaryn qoldaitynyn ózderi tańdap, anyqtady. Onyń ishinde densaýlyq saqtaý, bilim berý, mádeniet jáne sport, BAQ ókilderin, áleýmettik sala ókilderin qoldaý qarastyrylǵan. «Elorda jastary» baǵdarlamasynyń artyqshylyǵy otbasyly jastar ǵana emes, otbasyn qurmaǵandar da qamtylady», - dedi Jasulan Mataev.
Al «Otbasy bank» AQ basqarma tóraiymy Lázzat Ibragimovanyń málimeti boiynsha, «Almaty jastary» aimaqtyq baǵdarlamasyna biyl 18 mlrd teńge bólingen. Sonyń arqasynda 1000 jasqa páter berý josparlanyp otyr.
