«Otbasy bank» AQ ortalyq filialynyń direktory Jansultan Matai «Elorda jastary» turǵyn úi baǵdarlamasynyń qai sanattaǵy jastarǵa arnalǵanyn túsindirdi, dep habarlaidy QazAqparat.
«Qazir osy baǵdarlama boiynsha talaptar ázirlenýde. Bul turǵyn úi kimge, qandai jastarǵa, iaǵni qandai sala qyzmetkerlerine beriledi? Jaqynda Nur-Sultan qalasynyń máslihaty negizgi talaptardy bekitedi. Jalpy tujyrymdama boiynsha basty talap – jasy 35-ten aspaýy tiis. Memlekettik baǵdarlamalar boiynsha kezekke tura almaityn jastar sanattary qarastyrylýda. Búgingi tujyrymdamada BAQ ókilderi, biýdjet salasynyń qyzmetkerleri – politseiler, muǵalimder, mádeniet, áleýmettik sala qyzmetkerleri bar, bul tizim áli de tolyqtyrylady.
«Otbasy bankiniń» usynysy boiynsha baǵdarlamaǵa IT-salasy qyzmetkerlerin qosý usynylyp otyr», - dep túsindirdi Jansultan Matai Ortalyq kommýnikatsiialar qyzmetinde ótken baspasóz máslihatynda.
