Elorda turǵyny aliment bereshegin óteý úshin jer ýchaskesi bar, tolyq salynyp bitpegen úiin óz erkimen balalaryna berdi, dep habarlaidy "Ult aqparat".
Nur-Sultan qalalyq jeke sot oryndaýshylary óńirlik palatasynyń málimetinshe, úi Aqmola oblysynda ornalasqan. Al azamat E-niń aliment boiynsha bereshegi - 888 270 teńgeni, múlikti bólý boiynsha qaryzy - 3 391 070 teńgeni quraidy.
Sot oryndaýshysy boryshkerdi múlikti óz erkimen berýge kóndirdi. Ondai bolmaǵan baǵdaida úi aýktsion arqyly satylatyn edi. Biraz oilanǵan boryshker úiin basqa bireýge satqannan góri balalaryma qalsyn degen sheshim shyǵardy.
Óndirip alýshy tólem qabiletsiz bolýyna bailanysty sot oryndaýshysy óz qyzmetin kelisimshart negizinde kórsetti. Áiel múmkindigi bolǵan kezde sot oryndaýshysynyń qyzmetine tólem jasaidy.
«Azamat E-niń áreketi aliment boiynsha bereshegi bar ózge azamattarǵa da úlgi bolar dep úmit artamyz. Olar ózge bireýlerge emes, óz balalaryna qaryzyn óteidi. Bul jarqyn úlgi ekendigi sózsiz jáne sot oryndaýshynyń da minsiz jumysy qýantady», - dedi Nur-Sultan qalalyq jeke sot oryndaýshylary óńirlik palatasy basshysynyń orynbasary Madina Janasaeva.
Aita keterligi, qazirgi ýaqytta elordanyń sot oryndaýshylarynyń óndirisinde alimentke qatysty 14 342 is bar.
Buǵan deiin Nur-Sultan qalasynyń sot oryndaýshylary balalaryna aliment tóleýden jaltaryp júrgen boryshkerdiń Toyota Land Cruiser Prado kóligin alyp qoiǵanyn habarlaǵan edik.
Al Pavlodar oblysynyń jeke sot oryndaýshysy aliment boiynsha qaryzy úshin Ekibastuz qalasy turǵynynyń 4 bólmeli páterin satqan bolatyn.
