Er adam Nur-Sultan qalasyndaǵy akvaparkte qulap, aýrýhanaǵa tústi, - dep habarlaidy Tengrinews.kz tilshisi.
Nur-Sultan qalasy politsiia baspasóz qyzmetiniń habarlaýynsha, oqiǵa 4 qarashada Ailand akvaparkinde bolǵan. Oqiǵa ornynan túsirilgen kadrlar áleýmettik jelilerde taraǵan.
Quqyq qorǵaý organdary qylmystyq kodekstiń 306-baby "Qaýipsizdik talaptaryna sai kelmeitin qyzmetter kórsetý" boiynsha sotqa deiingi tergeý júrgizip jatyr.
Nur-Sultan qalasy qoǵamdyq densaýlyq saqtaý basqarmasy baspasóz qyzmetiniń málimetinshe, zardap shekken adam aýrýhanaǵa túrli jaraqattarmen aýyr halde túsken.
"Dereý statsionarlyq meditsinalyq kómek kórsetildi. Meditsina qyzmetkerleriniń jyldamdyǵynyń arqasynda qazir zardap shekken naýqastyń jaǵdaiy ortasha qalypqa keldi. Esin jidy, dárigerlerdiń baqylaýynda", - dep atap ótti basqarmada.
