Nur-Sultan qalasynyń politsiia qyzmetkerleri karantin rejiminiń saqtalýy boiynsha shara qabyldaý jumysyn jalǵastyrýda, dep habarlaidy "Ult aqparat" qalalyq politsiia departamentiniń baspasóz qzymetine silteme jasap.
Quqyq qorǵaýshylar tártip saqtalmaǵan nysandarǵa, ásirese meiramhanalar, dámhanalar, karaoke, barlar men saýda ortalyqtaryna erekshe nazar aýdaryp otyr.
«Politsiia qyzmetkerleri kásipkerlik sýbektilerine kúndiz de, túnde de reid júrgizip, karantin tártibin buzǵan azamattardy anyqtap, olardy jaýapkershilikke tartýda. Sonymen qatar demalys kúnderi quqyq qorǵaýshylar koronavirýs infektsiiasynyń taralýyna jol bermeý úshin karantin rejiminiń saqtalýy kerektigi jóninde halyqqa túsindirý jumystaryn júrgizedi. Demalys kúnderi halyqtyń basym bóligi adamdar kóp jinalatyn oryndarǵa, baqtarǵa, bazarlarǵa baratyny belgili. Osyǵan orai tártip saqshylary saqtyq sharalaryn ustanýǵa shaqyryp, sanitarlyq normalar men áleýmettik qashyqtyqtyń saqtalýyn qadaǵalaidy», - dep habarlaidy politsiia departamentinen.
Sonymen qatar kóńil kóteretin oryndardyń ielerine karantin sharalarynyń saqtalýy kerektigin eskertedi.
«Bir táýliktiń ishinde Nur-Sultan qalasynyń politsiia qyzmetkerleri qalalyq taýarlar men qyzmetterdiń sapasy jáne qaýipsizdigin qadaǵalaý basqarmasynyń mamandarymen birigip, kásipkerliktiń 141 nysanyn tekserdi. Tekserý barysynda karantin rejimin buzýdyń 70 jaǵdaiy tirkeldi. Zań buzýshylardyń bári de ákimshilik jaýapkershilikke tartylǵan.
Nur-Sultan qalasynyń politsiia departamenti karantin rejimin saqtaýǵa shaqyrady.
