Eki óńirdiń qutqarýshylary Qoiandy kentinde qutqarý jumystary júrgizilýde. Bul týraly TJM habarlady.
Elorda mańyndaǵy Tselinograd aýdanynyń Qoiandy aýylynda Aqmola oblysy men Nur-Sultan qalasynyń qutqarýshylary úsh turǵyn úiden erigen qar sýyn sorý boiynsha avariialyq-qutqarý jumystaryn júrgizýde. Onda qardyń qarqyndy erýi jáne erigen sýdyń jinalýy saldarynan úiler men aýla aýmaqtaryn sý basty. Bul týraly QR TJM resmi ókili Talǵat Ýáli aitty.
Avariialyq-qutqarý jumystaryn júrgizýge TJD men jergilikti atqarýshy organdarynyń kúshteri men quraldary jumyldyryldy. Atap aitqanda 49 adam, 17 birlik tehnika, 9 birlik motopompa.
Sonymen qatar, Tselinograd aýdanynyń Talapker, Qaraótkel, Qoiandy, Araily, Qarajar, Qyzyljar, Aqmol, Qosshy, Qabanbai batyr, Qyzylsýat jáne Jarlykól kentterinde erigen qar sýyn sorý jumystary júrgizilýde.
Búgin saǵat 10.35-te Nur-Sultan qalasynan «Qazaviaqutqarý» AQ MI-869 tikushaǵy sý tasqyny jaǵdaiyna monitoring júrgizý úshin áýege kóterildi. Baǵyty Viachaslav sý qoimasy-Qoiandy-Ilinka- Preobrajenskii sý rettegishi. Tikushaq erneýinde Aqmola oblysy TJD, ákimdiktiń, Qazaqstan Respýblikasy Ekologiia, geologiia jáne tabiǵi resýrstar ministrliginiń, «Qazgidromet» RMK ókilderi bar.
Jaǵdai Aqmola oblysy TJD bastyǵy Nurlan Atyǵaev pen jergilikti atqarýshy organdardyń baqylaýynda.
Aita ketý kerek, Aqmola oblysynda qardyń erýi saldarynan sý basýǵa jol bermeý úshin eldi mekenderde qar shyǵarý jumystary júrgizilýde. Jalpy oblys boiynsha 447 813,76 tekshe metr qar shyǵaryldy. 177921,8 tekshe metr erigen qar sýy soryldy. 13482 qapqa inertti materialdar salynyp, tóseldi. 2511 metr bóget nyǵaityldy. 128084,61 metr sý burý arnalary men aryqtary tazartyldy. 2099 metr arnalar men aryqtar qalypqa keltirildi.
