Elorda mańynda shyqqan órtti sóndirýge MI-8 ushaǵy jumyldyryldy, dep habarlaidy QazAqparat Tótenshe jaǵdailar ministrligine silteme jasap.
«Keshe saǵat 15-te Qorǵaljyn tas joly boiynda, úlken Taldykól kóliniń aýdanynda, shamamen 6,5 ga jalpy alańda qamys órtendi. «Astana Ormany» MKK kúshimen órttiń perimetri boiynsha jer jyrtyldy. Jalynnyń «Nur-Sultan qalasynyń jasyl beldeýine» taralý qaýpi joq. Tótenshe jaǵaidy joiýǵa TJD jeke quramynyń 122 adamy jáne 30 birlik tehnikasy men kommýnaldyq qyzmetter jumyldyryldy. Búgin saǵat 8-de Nur-Sultan aerodromynan órtti sóndirý úshin «Qazaviaqutqarý» AQ-tyń MI-8 ushyp ketti», - delingen TJM habarlamasynda.
