Қазақстан Тәуелсіздігіне 25 жыл

Elorda aýmaǵynda sý tasqyny qaýpi bar ýchaskeler anyqtaldy

Elorda aýmaǵynda sý tasqyny qaýpi bar ýchaskeler anyqtaldy

Elordada sý tasqyny qaýpi bar 29 ýchaske anyqtaldy. Bul týraly Nur-Sultan qalasy TJD basshysynyń orynbasary Esen Baiyrov málim etti, dep habarlaidy "Ult aqparat".

Onyń aitýynsha, 2021 jylǵy 9 aqpanda Nur-Sultan qalasynyń ákimdigi «Nur-Sultan qalasynyń aýmaǵynda kóktemgi tasqyn sýlardyń aǵymdaǵy jai-kúii jáne olardy ótkizýge daiyndyq týraly» komissiia otyrysyn ótkizdi. Nur-Sultan qalasy boiynsha 2021 jylǵy sý tasqyny kezeńine sý tasqyny qaýpi bar 29 ýchaske anyqtaldy (2019 jáne 2020 jyldary– 37), iaǵni 2019 jáne 2020 jyldardan bastap 8 ýchaske azaidy.

2021 jylǵy 25 aqpandaǵy jaǵdai boiynsha qala aýmaǵynan 906 286 m3-tan astam qar shyǵaryldy. 

«Bul rette elorda boiynsha 11 poligon bekitilgen, osy poligondarǵa qar shyǵarylyp jatyr», - dedi Esen Baiyrov onlain rejimdegi brifingi barysynda. 

Sonymen qatar qalanyń basqarý organdarymen birlese 2021 jylǵy 4-5 naýryzda «Kóktem 2021» respýblikalyq komandalyq-shtabtyq jattyǵýlary júrgiziledi. Onda azamattyq qorǵaýdyń aýmaqtyq memlekettik júiesiniń ázirligi tekseriledi. 

«Atalǵan 29 ýchaskedegi qaýipterge qatysty tiisti is-sharalar uiymdastyrylady. Sý tasqyny zardaptarynyń aldyn alý jáne joiý úshin «Astana Tazalyq» JShS 12,6 tonna inertti material qoryn, 3,5 myń qap daiyndady», - dedi departament ókili.