16 qańtarda «Nur-Sultan» Shekaralyq baqylaý basqarmasynyń áskeri qyzmetshileri elorda áýejaiynan Reseige ketip bara jatqan Qazaqstannyń 2 azamatyn ustady. Bul týraly QazAqparat Ulttyq qaýipsizdik komitetine silteme jasap habarlaidy.
Olardyń júgi men qol júgin tekserý barysynda pyshaqtar, kastetter men kisenderden turatyn sýyq qarý túrleri tabyldy.
Tekserý barysynda olardyń uialy telefondarynan Almaty qalasyndaǵy mitingterge, demonstratsiialyq áreketter men buzaqylyqtarǵa qatysqandyǵyn rastaityn beinejazbalar tabyldy.
Ustalǵandar ári qarai jaýapkershilikke tartý úshin politsiianyń jelilik bóliminiń qyzmetkerlerine berildi.
Budan basqa, «Tashkent–Nur-Sultan» qatynasyndaǵy halyqaralyq reisti rásimdeý kezindegi pasporttyq baqylaý jumysynyń nátijesinde jalǵan tólqujaty bar Tájikstan azamaty anyqtaldy, ol shekarany zańsyz kesip ótý maqsatynda qujattaǵy óziniń anyqtamalyq derekterin ádeii ózgertken.
Memlekettik shekara buzýshy kelgen jaǵyna qaitaryldy.
