16 قاڭتاردا «نۇر-سۇلتان» شەكارالىق باقىلاۋ باسقارماسىنىڭ ەسكەري قىزمەتشٸلەرٸ ەلوردا ەۋەجايىنان رەسەيگە كەتٸپ بارا جاتقان قازاقستاننىڭ 2 ازاماتىن ۇستادى. بۇل تۋرالى قازاقپارات ۇلتتىق قاۋٸپسٸزدٸك كوميتەتٸنە سٸلتەمە جاساپ حابارلايدى.
ولاردىڭ جٷگٸ مەن قول جٷگٸن تەكسەرۋ بارىسىندا پىشاقتار, كاستەتتەر مەن كٸسەندەردەن تۇراتىن سۋىق قارۋ تٷرلەرٸ تابىلدى.
تەكسەرۋ بارىسىندا ولاردىڭ ۇيالى تەلەفوندارىنان الماتى قالاسىنداعى ميتينگتەرگە, دەمونستراتسييالىق ەرەكەتتەر مەن بۇزاقىلىقتارعا قاتىسقاندىعىن راستايتىن بەينەجازبالار تابىلدى.
ۇستالعاندار ەرٸ قاراي جاۋاپكەرشٸلٸككە تارتۋ ٷشٸن پوليتسييانىڭ جەلٸلٸك بٶلٸمٸنٸڭ قىزمەتكەرلەرٸنە بەرٸلدٸ.
بۇدان باسقا, «تاشكەنت–نۇر-سۇلتان» قاتىناسىنداعى حالىقارالىق رەيستٸ رەسٸمدەۋ كەزٸندەگٸ پاسپورتتىق باقىلاۋ جۇمىسىنىڭ نەتيجەسٸندە جالعان تٶلقۇجاتى بار تەجٸكستان ازاماتى انىقتالدى, ول شەكارانى زاڭسىز كەسٸپ ٶتۋ ماقساتىندا قۇجاتتاعى ٶزٸنٸڭ انىقتامالىق دەرەكتەرٸن ەدەيٸ ٶزگەرتكەن.
مەملەكەتتٸك شەكارا بۇزۋشى كەلگەن جاعىنا قايتارىلدى.
