Erlan Kanalimov Nur-Sultan qalasy ákiminiń orynbasary qyzmetine taǵaiyndaldy, dep habarlaidy "Ult aqparat".
Ákimdik saityndaǵy aqparatqa sáikes, E.Kanalimov áleýmettik qorǵaý, ishki jáne jastar saiasaty, aqparat, mádeniet, densaýlyq saqtaý, dene shynyqtyrý jáne sport máselelerine jaýapty bolady.
Kanalimov Erlan Ermekuly 1982 jyldyń 22 tamyzynda Tselinograd qalasynda týǵan. Bilimi joǵary, 2003 jyly Astana qalasynyń Basqarý institýtyn «ekonomist» mamandyǵy boiynsha, 2007 jyly Qazaqstan-Resei ýniversitetin «zańger» mamandyǵy boiynsha támamdaǵan.
Eńbek jolyn Astana qalasy Saryarqa aýdany ákimi apparaty uiymdastyrý-baqylaý jáne kadr bóliminiń bas mamany retinde bastady. 2005 jyly Saryarqa aýdany ákiminiń keńesshisi qyzmetin atqardy. 2005-2006 jyldar aralyǵynda Astana qalasy Saryarqa aýdany ákimi apparaty uiymdastyrý-baqylaý jáne kadr bóliminiń basshysy boldy. 2006-2007 jyldary - Saryarqa aýdany ákiminiń keńesshisi. 2007-2009 jyldary - Astana qalasy ákimi apparaty uiymdastyrý-inspektorlyq bóliminiń meńgerýshisi. 2009-2013 jyldar aralyǵynda - Astana qalasy ákimi apparaty basshysynyń orynbasary. 2013-2015 jyldar aralyǵynda - «Zorlyq-zombylyq nemese zorlyq-zombylyq qaýpi saldarynan qiyn jaǵdaiǵa tap bolǵan adamdarǵa arnalǵan daǵdarys ortalyǵy-baspanasy» KMM direktory.
2015-2018 jyldar aralyǵynda Astana qalasy Ishki saiasat basqarmasynyń basshysy bolyp jumys istedi.
2018 jyldyń 20 naýryzynan búginge deiin Nur-Sultan qalasy Baiqońyr aýdanynyń ákimi qyzmetin atqardy.
Úilengen, 4 balasy bar. EQYU Sammitin uiymdastyrý jáne ótkizýge qatysqany úshin QR Prezidentiniń Alǵys hatymen (2010), QR Prezidentiniń sailaýyn ótkizýge qatysqany úshin QR Prezidentiniń Alǵys hatymen (2015), «Qazqstan Respýblikasynyń Konstitýtsiiasyna 10 jyl», «Eren eńbegi úshin» medaldarymen marapattalǵan.
