Elorda ákimi óńirlerge aýyl sharýashylyǵy jármeńkesine qatysqany úshin alǵys bildirdi, dep habarlaidy "Ult aqparat".
Nur-Sultan qalasyndaǵy aýyl sharýashylyǵy jármeńkesine Soltústik Qazaqstan jáne Aqmola oblystarynyń ákimderi keldi.
Jalpy alǵanda óńirler elordaǵa 1 200 tonnadan astam ónim ákeldi. Oblys ákimi Qumar Aqsaqalovtyń aitýynsha, SQO ónimderi taza ári tabiǵi. Taýar baǵasy 20%-ǵa tómen. Aýa raiynyń qolaisyzdyǵyna qaramastan, Soltústik Qazaqstan oblysy jaqsy ónim jinap, elimizdiń kóptegen oblystaryna ónim eksporttaýda.
Al, Aqmola oblysynyń ákimi Ermek Marjyqpaevtyń atap ótýinshe, jármeńkede ettiń árbir 3-shi kelisi, súttiń 3-shi litri, jumyrtqanyń 90%, qus etiniń 60% elordaǵa oblys jetkizýde.
Nur-Sultan qalasy ákimi Altai Kólginovtiń aitýynsha, elordalyq aýyl sharýashylyǵy jármeńkesine elimizdiń 14 óńiri qatysty.
«Biz birinshi jármeńkelerdi elorda kúnin ótkize bastadyq. Sodan keiin turaqty negizde ár senbi men jeksenbi ótkizdik. Bizdiń áriptesterimizge, basshylarǵa, oblys ákimderine jáne barlyq aýyl sharýashylyǵy taýarlaryn óndirýshilerge alǵysymdy bildiremin. Búgin jármeńke aiaqtalýda. Aldaǵy ýaqytta osyndai jármeńkeler merekelerde ótkiziledi. 1 jeltoqsan, 16 jeltoqsan jáne jańa jyldyq merekeler ýaqytynda ótkiziletin bolady. Eń bastysy - turǵyndardy qoljetimdi baǵamen azyq-túlikpen qamtý», - dedi A. Kólginov.
Qalada 30 jármeńke ótkizilip, 7 myń tonnadan astam ónimder satyldy. Onyń 700 tonnadan astamy et, 300 tonnasy sút ónimderi, 2,5 myń tonnasy kókónis jáne t.b. Ónimder bazar baǵasynan 10-20% tómen saýdalanǵan.
