Búgin tańerteń elorda ákimi Altai Kólginov eki mektepke baryp, ondaǵy qurylys jumystarymen tanysty, dep habarlaidy "Ult aqparat" ákimdiktiń resmi saityna silteme jasap.
Qala basshysy at basyn tiregen alǵashqy nysan №28 mektep boldy. Bilim mekemesine qosalqy ǵimarat salynýda. Jańa korpýs 300 orynǵa eseptelgen. Sondai-aq, qosymsha nysanda sport zaly, ashana bolady. Syrtqy aýmaǵynda oiyn alańy ornatylady. Korpýs qazan aiynda ashylady dep josparlanǵan.
№67 mektepke barǵan A. Kólginov qaýipsiz kireberis joldaryn salý qajettigin atap ótti.
«Mektepterdi salyp jatyrmyz, biraq kireberis joldar týraly oilamaimyz. Osyndai másele №75 mektepte de bar. Turǵyzǵan jańa qurylystar janynda, durys jol joq. Ata-analar men oqýshylarǵa aýlalar arqyly barýǵa týra keledi. Ne kólikpen jetý, ne jaiaý barý múmkin emes.Oqý oryndaryna qaýipsiz joldar salý, kólikke arnalǵan turaq oryndaryn oilastyrý qajet», - dedi ol.
Budan basqa, ata-analar men oqýshylardyń yńǵailylyǵy úshin birneshe jerden kireberis qaqpalar ashylady.
Aita keteiik, aldaǵy 5 jylda elordada 40-qa jýyq bilim berý nysany boi kóteredi.
