بٷگٸن تاڭەرتەڭ ەلوردا ەكٸمٸ التاي كٶلگٸنوۆ ەكٸ مەكتەپكە بارىپ, ونداعى قۇرىلىس جۇمىستارىمەن تانىستى, دەپ حابارلايدى "ۇلت اقپارات" ەكٸمدٸكتٸڭ رەسمي سايتىنا سٸلتەمە جاساپ.
قالا باسشىسى ات باسىن تٸرەگەن العاشقى نىسان №28 مەكتەپ بولدى. بٸلٸم مەكەمەسٸنە قوسالقى عيمارات سالىنۋدا. جاڭا كورپۋس 300 ورىنعا ەسەپتەلگەن. سونداي-اق, قوسىمشا نىساندا سپورت زالى, اسحانا بولادى. سىرتقى اۋماعىندا ويىن الاڭى ورناتىلادى. كورپۋس قازان ايىندا اشىلادى دەپ جوسپارلانعان.
№67 مەكتەپكە بارعان ا. كٶلگٸنوۆ قاۋٸپسٸز كٸرەبەرٸس جولدارىن سالۋ قاجەتتٸگٸن اتاپ ٶتتٸ.
«مەكتەپتەردٸ سالىپ جاتىرمىز, بٸراق كٸرەبەرٸس جولدار تۋرالى ويلامايمىز. وسىنداي مەسەلە №75 مەكتەپتە دە بار. تۇرعىزعان جاڭا قۇرىلىستار جانىندا, دۇرىس جول جوق. اتا-انالار مەن وقۋشىلارعا اۋلالار ارقىلى بارۋعا تۋرا كەلەدٸ. نە كٶلٸكپەن جەتۋ, نە جاياۋ بارۋ مٷمكٸن ەمەس.وقۋ ورىندارىنا قاۋٸپسٸز جولدار سالۋ, كٶلٸككە ارنالعان تۇراق ورىندارىن ويلاستىرۋ قاجەت», - دەدٸ ول.
بۇدان باسقا, اتا-انالار مەن وقۋشىلاردىڭ ىڭعايلىلىعى ٷشٸن بٸرنەشە جەردەن كٸرەبەرٸس قاقپالار اشىلادى.
ايتا كەتەيٸك, الداعى 5 جىلدا ەلوردادا 40-قا جۋىق بٸلٸم بەرۋ نىسانى بوي كٶتەرەدٸ.
