Nur-Sultan qalasy Investitsiialar jáne kásipkerlikti damytý basqarmasy basshysynyń orynbasary Gúlmira Ermoldina azyq-túlik baǵasynyń qymbattaýyna áser etken faktorlardy aityp berdi, dep habarlaidy QazAqparat.
«Bul pandemiiaǵa, shikizattyń qymbattaýyna jáne kólik shyǵyndaryna bailanysty jáne osynyń bárine pandemiia áser etkenin aitqym keledi. Árine, baǵalar ósýde, infliatsiia júrip jatyr. Bul ósim búkil respýblika aýmaǵynda baiqalady», - dedi G. Ermoldina elorda ákimdiginde ótken onlain brifingte.
Onyń aitýynsha, baǵanyń ósýine azyq-túliktiń basqa óńirlerden jetkizilýi de yqpal etedi.
«Is júzinde barlyq ónim ózge óńirlerden keletinin eskersek, bul qaladaǵy baǵalarǵa da áser etedi. Jyl basynan beri jemis-kókónis ónimderi 7%-ǵa, jumyrtqa 10%-ǵa qymbattady. Taýyq jumyrtqasyna kelsek, qus ólimi bolǵandyqtan, baǵanyń ósýi búkil respýblika boiynsha tirkeldi», - deidi G. Ermoldina.
Buǵan deiin spiker azyq-túlik taýarlarynyń qymbattaýy ótken jylǵy kezeńnen 6,2 paiyzǵa tómen ekenin habarlaǵan edi.
