Almatyda oqys oqiǵa saldarynan QR burynǵy vitse-ministri Elmira Sýhanberdievanyń úsh jasar uly qaitys boldy. Bul týraly QR Bilim jáne ǵylym ministriniń burynǵy keńesshisi Mairash Taikenova málim etti, dep habarlaidy "Ult aqparat".
"Dostar, jazý óte qiyn. Elmira Sýhanberdievanyń kenje uly qaitys boldy. Iliias onyń eń súiikti balasy bolatyn. Otbasynyń basyna qansha qiyndyq týdy. Eń aýyry - jaqyndardan, baladan aiyrylý. Muny qabyldai alar emespiz", - dep jazdy óziniń Facebook paraqshasynda Sýhanberdievanyń burynǵy keńesshisi Mairash Táikenova.
Mairash Taikenovanyń aitýynsha, áriptesteri, týǵan-týystary men bilim salasy uiymdarynyń basshylary marqumnyń anasynyń qaiǵysyna ortaqtasyp, kóńil aitty.
Aita keteiik, 2019 jyldyń 10 shildesinde Elmira Sýhanberdieva memlekettik mektepte jekemenshik bilim berý mekemesin ashyp, kásipkerlik qyzmetpen ainalysqany úshin kináli dep tanyldy. Budan bólek, qyzmettik ókilettiligin asyra paidalanyp, ministrlikke qarasty mekemelerge aifondar men planshetterdi aldyrtqany bar. Osy qylmystar úshin oǵan 6 million teńgege jýyq aiyppul salyndy. Memlekettik qyzmette jumys isteý quqyǵynan aiyryldy.
Sýhanberdieva sot otyrysynda 4 balasy jaily aityp, kózine jas alǵan bolatyn.
Otyrystyń basynda sýdia Baqytjan Esenov sotqa qatysýshylardyń barlyq jeke málimetin jazyp aldy.
Elmira Sýhanberdievadan otbasy jaily suraǵanda tórt balasy bar ekenin aitty. Úlkeni 26-da, odan keiingisi 17-de, bireýi 7-de jáne kishkentaiy 3-te.
