Búgin Parlament Májilisindegi Úkimet saǵatynda mamandandyrylǵan halyqqa qyzmet kórsetý ortalyqtary arqyly el aýmaǵynda qansha erekshe kólik nómirleri satylǵany jáne olardyń qansha soma paida ákelgendigi jaily aityldy, dep habarlaidy "Ult aqparat".
Májilis tóraǵasynyń orynbasary Vladimir Bojko el aýmaǵynda avtokólikti tirkeý men júrgizýshi kýáligin berýge arnalǵan 14 mamandandyrylǵan halyqqa qyzmet kórsetý ortalyqtaryn qurý turǵyndar úshin qolaily bolǵanyn atap ótti.
«Osy ortalyqtar arqyly tek 2017 jyldyń qańtar-qazanynda 314 myńnan astam júrgizýshilik kýálikteri berilip, 1 million 218 myńnan astam avtokólik tirkeýge turǵyzyldy nemes tirkeýden shyǵaryldy», - dedi ol.
Osy oraida Májilis tóraǵasynyń orynbasary atalǵan mamandandyrylǵan ortalyqtardyń múmkindigimen búginde adamdardyń ýaqytyn únemdeýge, saladaǵy sybailas jemqorlyqqa tosqaýyl qoiýǵa jaǵdai jasalǵanyn jetkizdi.
«Úsh jylda Ishki ister ministrligi mamandandyrylǵan HQKO-lar arqyly 15 760 erekshe kólik nómirlerin satyp, biýdjet paidasyna 5 milliard 548 million teńge túsirdi. Atap aitqanda, aldaǵy jyly osyndai halyqqa qyzmet kórsetý ortalyqtary Batys Qazaqstan, Aqmola oblystarynda ashylady, sonymen qatar Shyǵys Qazaqstan men Atyraý oblystarynda qurylysy bastalady», - dedi V. Bojko.
