Sinoptikter 11-13 qańtardaǵy aýa raiyna arnalǵan boljamyn jariialady, dep habarlaidy QazAqparat Qazgidrometke silteme jasap.
Sinoptikterdiń boljaýynsha, elimizge kelgen soltústik-batys antitsiklony aiazdy týdyrady.
"Elimizdiń soltústik, ortalyq jáne shyǵys aimaqtaryna áli de soltústik-batys antitsiklony yqpal etýde: kei jerlerde 30, jalpy 20-25 S-qa deiin aiaz bolady. 12 qańtarda soltústik jáne ońtústik tsiklondar ózderimen birge qar, boran ákeledi, sondai-aq aýa temperatýrasy qysqa merzimdi kóteriledi. Alaida 13 qańtarda sýyq soltústik-batys antitsiklony artqa qarai jyljyp, ózimen birge elimizdiń soltústik-batysy, soltústik, shyǵys jáne ortalyqqa qaitadan 30 gradýsqa deiin aiaz ákeledi", delingen habarlamada.
Al Qazaqstannyń ońtústik, ońtústik-shyǵys óńirlerine keletin bolsaq, munda ońtústik tsiklonnyń áserinen jaýyn-shashyn (jańbyr, qar) bolady, tuman túsip, kóktaiǵaq bolady, jel kúsheiip, sondai-aq aýa temperatýrasynyń 2-10 gradýsqa birtindep kóterilýi múmkin.
