El aýmaǵynda sý tasqyny jaǵdaiy turaqty. Ótken táýlikte úilerdi sý basý jáne joldy sý shaiý faktileri tirkelgen joq. Bul týraly QR TJM resmi ókili Talǵat Ýáli málim etti, dep habarlaidy "Ult aqparat".
Respýblikalyq jedel shtab, sonymen qatar Aqmola, Aqtóbe, Batys Qazaqstan, Shyǵys Qazaqstan, Qaraǵandy, Qostanai, Pavlodar jáne Soltústik Qazaqstan oblystarynyń TJD-da shtabtar jumysyn jalǵastyryp jatyr.
Kóktemgi sý tasqynynan týyndaǵan qaýip-qaterdi azaitý maqsatynda Aqmola, Batys Qazaqstan, Shyǵys Qazaqstan, Qaraǵandy, Pavlodar oblystarynda jergilikti atqarýshy organdardyń jáne TJM bólimsheleriniń kúshteri profilaktikalyq jumystar júrgizýde.
Aqmola oblysynyń Shortandy aýdanyndaǵy Talqara jáne Kolýton ózenderinde muz jamylǵysyn álsiretý boiynsha jalpy aýdany 600 sharshy metr muz jarý jumystary júrgizildi.
Ol úshin 135 kg jarylǵysh zat paidalanyldy. Tselinograd, Jarqaiyń, Shortandy jáne Esil aýdandarynda kósheler men aýla aýmaqtarynan 516,5 tekshe metr erigen qar sýy soryldy.
Kókshetaý qalasy, Atbasar jáne Bulandy aýdandarynda inertti material toltyrylǵan 1726 qap tóseldi, Sandyqtaý jáne Bulandy aýdandarynda inertti material toltyrylǵan 450 qap daiyndaldy.
Kókshetaý qalasy jáne Tselinograd aýdanynda 380 metr bógen nyǵaityldy.
7 aýdanda (Aqkól, Bulandy, Býrabai, Esil, Jaqsy, Sandyqtaý, Shortandy) jáne Kókshetaý qalasynda 13198 metr kanal tazartyldy, 34,219 tekshe metr qar shyǵaryldy.
Shyǵys Qazaqstan oblysynyń Óskemen qalasy men Besqaraǵai aýdanynda kósheler men aýla aýmaqtarynan 2742 tekshe metr erigen qar sýy soryldy.
Jaǵdaidy baǵalaý maqsatynda ákimdik, TJD, «Qazseldenqorǵaý» MM filialy jáne «Qazekspertiza» JShS ókilderi Altai aýdanynyń, Glýbokoe jáne Katonqaraǵai aýdandarynyń aýmaǵyn áýeden sholyp ushyp shyqty.
Kókpekti aýdanynyń Samarskoe aýylynda TJM 52859 áskeri bóliminiń mamandary uzyndyǵy 300 metr aryqty tazartyp, halyqtyń áleýmettik osal tobyna kómek kórsetýde (aýlalardy qar men muzdan tazartty, aryqtar men arnalardy tazartyldy).
Altai aýdanynda sý tasqyny jaǵdaiynda is-qimyl tártibi boiynsha halyqpen jumys uiymdastyryldy (39 úi), 100 qap inertti materialmen toltyryldy. Uzyndyǵy 50 metr sý qubyry men arna tazalandy.
Batys Qazaqstan oblysynyń Oral qalasy men Báiterek aýdanynda, Bórli, Qaratóbe, Terekti jáne Shyńǵyrlaý aýdandarynda kósheler men aýla aýmaqtarynan 8336 tekshe metr erigen qar sýy soryldy.
Oral, Aqsai jáne Shyńǵyrlaý aýdandarynan 5,537 tekshe metr qar shyǵaryldy.
Qaraǵandy oblysynyń Qarqaraly aýdanynda (Qarakól aýyly) uzyndyǵy 50 m jer biligi salyndy, 50 tonna inertti materialdar qory daiyndaldy.
Buqar jyraý (800m) jáne Osakarov (200m) aýdandarynda joldarda 1000 metr aryq jáne 5 sý ótkizý qurylysy, Aqtoǵai aýdanynda 300 m kanal tazartyldy.
Oblystyń 4 aýdanynda (Aqtoǵai, Nura, Osakarov, Qarqaraly) 835 tekshe metr qar shyǵaryldy.
Pavlodar oblysynyń 3 qalasy (Pavlodar, Ekibastuz, Aqsý) men 3 aýdanynda (Aqtoǵai, Jelezin, Ertis) 3452 tekshe metr qar shyǵaryldy.
Profilaktikalyq jumys júrgizýge TJM, jergilikti atqarýshy organdardan, politsiia departamentinen jáne uiymdardan 937 adam, 390 tehnika, 30 motopompa jumyldyryldy.
