Elordada Bas múfti Naýryzbai qajy Taǵanulynyń tóraǵalyǵymen Qazaqstan musylmandary dini basqarmasy janynan qurylǵan Qazaqy stildegi meshit qurylysy boiynsha jumys tobynyń alǵashqy májilisi ótti, dep habarlaidy "Ult aqparat" muftyat.kz-ke silteme jasap.
«Meshit turǵyzýda ár halyq óziniń sáýlet óneri men dástúrin eskerip, ulttyq naqyshyn kórsetýge tyrysqan. Sondyqtan elimizdegi meshitterdiń de óziniń qazaqy stili bolýy tiis. Sebebi bul meshitter ǵasyrlar boiy urpaqtan-urpaqqa amanat bolyp, halyq igiligine qyzmet etedi», - dedi Bas múfti Naýryzbai qajy Taǵanuly.
Belgili sáýletshi, Memlekettik syilyqtyń iegeri Saǵyndyq Janbolatov Dini basqarmanyń qolǵa alyp otyrǵan jobasyn qoldaitynyn aita kelip, arnaiy jumys tobyn qurýdy usyndy. Jumys tobyna sáýletshiler Birlik Erejepov, Esimbet Qapabaev, Qanat Qurǵanovty, Esenǵali Ahmetov jáne múftiiat mamandaryn qosýdy usyndy.
Sondai-aq jiyn barysynda qazaqy stildegi meshit jobasy men maketin bekitý, meshit qurylysyna qatysty kemshilikterdi boldyrmaý úshin injenerlik jumystardy jetildirý, «Qazaqstan Respýblikasyndaǵy sáýlet, qala qurylysy jáne qurylys qyzmeti týraly» zańyna meshit qurylysy boiynsha bap nemese tarmaq engizý sekildi máseleler qaraldy.
