Energiia kózderiniń otyn qoimalarynda 3,3 mln tonna kómir jáne 106,2 myń tonna mazýt jinaqtalǵan. Bul týraly QR Energetika ministri Nurlan Noǵaev málim etti, dep habarlaidy "Ult aqparat".
«Biylǵy jylytý kezeńi shtattyq rejimde ótip jatyr, tutynýshylar elektr jáne jylý energiiasymen qamtamasyz etilgen. Respýblika boiynsha iri tehnologiialyq ereje buzýshylyq tirkelgen joq», - dedi Noǵaev ministrliktiń keńeitilgen alqa májilisinde.
Onyń aitýynsha, tutastai alǵanda, ortalyqtandyrylǵan jylýmen jabdyqtaý aimaǵyndaǵy barlyq jylý elektr ortalyqtary men qazandyqtar jylý energiiasyn jylý jelilerine berýdiń temperatýralyq grafikterin saqtap keledi. 2021 jylǵy 1 naýryzdaǵy jaǵdai boiynsha energiia kózderiniń otyn qoimalarynda 3,3 mln tonna kómir jáne 106,2 myń tonna mazýt jinaqtalǵan, bul bekitilgen normalarǵa sáikes keledi.
Budan bólek ministr kómirsýtegi boiynsha jer qoinaýyn paidalaný, munai ónimderin óndirý, gaz jáne gazben jabdyqtaý salasynda 2020 jyly 170 baqylaý is-sharasy ótkizilgenin aitty.
«Jer qoinaýyn tiimsiz paidalanǵany úshin 2020 jyly 694 mln teńgege aiyppul salyndy. 108 litsenziia berildi, olar boiynsha litsenziialyq alym somasy 8,5 mln teńgeni qurady (biýdjetke kiris). Sonymen qatar 2020 jyly shiki gazdy alaý etip jaǵýǵa 208 ruqsat berildi jáne 10 gaz jelisi uiymy (barlyǵy 90 uiym) akkreditteldi», - dedi Noǵaev.
