Elimizdegi 2 joǵary oqý ornyna zertteý ýniversiteti mártebesi beriledi. Bul týraly búgin Úkimet otyrysynda Ǵylym jáne joǵary bilim ministri Saiasat Nurbek aitty, dep habarlaidy QazAqparat.
«Zertteý ekojúiesin qalyptastyrý jáne serpindi tehnologiialardy damytý úshin 3 joǵary oqý ornyn zertteý JOO-larǵa ainaldyrý josparlanǵan. Bul - L.Gýmilev atyndaǵy EUÝ, ál-Farabi atyndaǵy QazUÝ, M. Áýezov atyndaǵy OQMÝ. Ál-Farabi atyndaǵy QazUÝ-ǵa zertteý ýniversiteti mártebesi berildi», - dedi Saiasat Nurbek.
Onyń dereginshe, L.Gýmilev atyndaǵy EUÝ-di zertteý ýniversitetine transformatsiialaý boiynsha damý baǵdarlamasy men qaýly jobasy daiyndaldy. M.Áýezov atyndaǵy OQMÝ-dyń zertteý ýniversitetine aýysýy boiynsha jumystar júrgizilýde.
«Úzdiksiz bilim berýdi qamtamasyz etý maqsatynda ómir boiy oqytý tujyrymdamasy qabyldandy. Beiresmi bilimdi tanýdy qamtamasyz etý úshin biliktiliktiń Ulttyq sheńberin ózektendirý pysyqtalýda», - dedi ol.
Ministrdiń atap ótýinshe, akademiialyq utqyrlyq baǵdarlamasy iske asqan 10 jyldyń ishinde 17 000-nan astam qazaqstandyq stýdent sheteldik áriptes joǵary oqý oryndarynda bilim aldy. Osylaisha, 2022 jyldyń birinshi jartyjyldyǵynda osy baǵdarlama boiynsha oqýdan ótken stýdentter sany - 2 320 adamdy, 2021 jyly 3 246 adamdy qurady.
