Elimizdiń 6 óńirinde 43 myń turǵyny bar 171 eldi mekende sý basý qaýpi bar, dep habarlaidy QazAqparat.
Bul týraly TJM Tótenshe jaǵdailardyń aldyn alý departamentiniń bastyǵy Rýstambek Ámrin aitty.
«Eldiń ońtústik óńirlerinde sý tasqyny qaýpi azaidy. Sonymen qatar, Almaty, Shyǵys Qazaqstan, Jambyl jáne Túrkistan oblystarynyń taýlarynda qar áli kóp. Onyń belsendi erýi taý ózenderinde sý tasqynyna ákelýi múmkin. Aýa raiy jaǵdaiyna bailanysty Batys Qazaqstan, Qostanai, Aqmola, Shyǵys Qazaqstan, Aqtóbe, Soltústik Qazaqstan oblystarynyń 171 eldi mekenin sý basý qaýpiniń joǵary deńgeii saqtalýda. Ol mekenderde 43 myńnan astam adam turady», - dedi ministrlik ókili.
Vedomstvo mamany aityp ótkendei, 7 sáýirdegi jaǵdai boiynsha Aqmola, Almaty, Atyraý, Shyǵys Qazaqstan, Batys Qazaqstan, Jambyl jáne Qostanai oblystarynda, Nur-Sultan qalasynda sý basý jaǵdailary boldy. Sonyń saldarynan 15 eldi mekende kósheler men aýlalardy, 3 turǵyn úidi sý alǵan.
«2021 jyldyń 1 sáýirinen bastap TJM ahýaldyq ortalyǵynda respýblikalyq jedel shtab jumys isteýde. Mundai shtabtar Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanai, Pavlodar jáne Soltústik Qazaqstan oblystarynda da iske qosylǵan. Sý tasqynyna bailanysty máseleler týyndaǵan jaǵdaida TJM jedel shtabyna 559637, 323286 telefondary, sondai-aq 112 biryńǵai nómeri boiynsha habarlasýǵa bolady», - dedi Rýstambek Ámrin.
