Sýret ashyq derekkózden alyndy
Qazaqstanda áielderdi eńbekpen qamtý jaǵdaiy qiyndap barady. Er adamdarǵa qaraǵanda áielder arasynda jumyssyzdyq basym, dep habarlaidy QazAqparat agenttigi Energyprom.kz resýrsyna silteme jasap.
Áielder arasyndaǵy jumyssyzdyq máselesi alǵash ret baiqalyp otyrǵan joq.
Ótken jyldyń úshinshi toqsanynda elimizdegi jumyssyzdar sany 450,3 myń adamǵa jetti. Bul kórsetkish 2021 jyldyń sáikes kezeńimen salystyrǵanda 0,1%-ǵa az.
Qazaqstanda jumyssyzdar sany ekinshi jyl qatarynan qysqaryp jatyr. Degenmen 2019 jyldyń úshinshi toqsanymen salystyrǵanda kórsetkish áli de 1,9%-ǵa joǵary.
Elimizdegi jumyssyzdyq deńgeii bir jylda ózgergen joq. Ótken jyldyń úshinshi toqsanynda 4,9%, 2020 jyldyń tiisti kezeńinde kórsetkish 5% edi.
Al 2019 jyldyń úshinshi toqsanynda ol 4,8%-dy qurady.
2022 jyldyń úshinshi toqsanynda jumyssyzdyqtyń eń joǵary deńgeii Túrkistan jáne Mańǵystaý oblystarynda baiqaldy. Iaǵni 5,3%.
Sondai-aq, Almaty men Shymkentte, Qyzylorda oblysy jáne BQO-da jumyssyzdyqtyń ortasha deńgeii 5%-dan joǵary boldy.
Óńirler arasynda jumyssyzdyqtyń eń tómen deńgeii Ulytaý oblysynda (4,1%). Odan keiin Qaraǵandy oblysy (4,3%) jáne Astana qalasy (4,5%) ornalasqan.
Qalalarda jumyssyzdyq deńgeii aýyldarǵa qaraǵanda joǵary 4,9 paiyz kórsetkish 4,8%-ǵa qarsy.
Sonymen qatar, ótken jylmen salystyrǵanda qalalarda jumyssyzdyq deńgeii tómendedi, al aýyldarda kerisinshe ósti.
Qalalyq jerde jumyssyz halyq sany bir jyl ishinde 0,7%-ǵa, iaǵni 271,2 myń adamǵa qysqardy, al aýylda 0,8%-ǵa, nemese 179,1 myń adamǵa deiin ósti.
Genderlik turǵydan alǵanda, áielderdiń jumyssyzdyq deńgeii erler deńgeiinen edáýir joǵary. 5,7% qarsy 4,1% jáne bul kórsetkish 2012 jyldan beri eń úlken alshaqtyq retinde saqtalyp keledi.
Bir jyl buryn áielderdiń jumyssyzdyq deńgeii 5,5%, al erler arasynda 4,3%-dy qurady.
Qazaqstanda jumyssyz áielder sany bir jylda birden 4,3%-ǵa ósip, ótken jyldyń úshinshi toqsanynda 257,4 myń adamǵa jetti, al jumyssyz erler sany 5,5%-ǵa iaǵni 192,9 myńǵa deiin qysqardy.
