Foto: ashyq derekkóz
Qazaqstanda bir táýliktiń ishinde bolǵan eki aýyr jol-kólik oqiǵasy 9 adamnyń ómirin qidy, dep habarlaidy Ult.kz.
24 qarasha kúni Omby – Maiqapshaǵai tas jolynyń 877-shaqyrymynda (Shyǵys Qazaqstan oblysy) adam ólimine ákelgen asa aýyr jol apaty tirkeldi.
ShQO Politsiia departamentiniń málimetinshe, jol-kólik oqiǵasyna Chevrolet Onix jeńil kóligi men Howo markaly júk kóligi qatysqan.
Qatty soqtyǵys saldarynan Chevrolet Onix júrgizýshisi men eki jolaýshysy alǵan jaraqattardan oqiǵa ornynda kóz jumdy. Taǵy bir jolaýshy túrli jaraqattarmen aýrýhanaǵa jetkizilgen. Apatqa bailanysty sotqa deiingi tergeý bastaldy.
Sondai-aq dál osy kúni Almaty – Bishkek halyqaralyq avtojolynyń 65-shaqyrymynda ekinshi ólimge ákelgen apat oryn aldy. Bul joly Audi jáne Toyota markaly kólikter soqtyǵysqan.
Quqyq qorǵaý organdary eki oqiǵa boiynsha da tergeý sharalaryn júrgizip jatyr.
