Elimizde koronavirýs infektsiiasyn qospaǵanda, juqpaly aýrýlar boiynsha epidemiologiialyq jaǵdai turaqty. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Koronavirýs infektsiiasyn qospaǵanda, juqpaly aýrýlar boiynsha epidemiologiialyq jaǵdai Qazaqstan Respýblikasynda turaqty bolyp qalýda. 64 infektsiialyq aýrý boiynsha monitoring júrgizilýde, 2020 jyldyń qorytyndysyna sáikes 42 infektsiia boiynsha aýrý deńgeii tómendedi», - deidi QR Densaýlyq saqtaý ministri Aleksei Tsoi.
Onyń aitýynsha, biyl Qazaqstan turǵyndary ishinde oba, tyrysqaq, ish súzegi, qutyrma, týliaremiia, Kongo-Qyrym gemorragiialyq qyzbasy, difteriia, sirespe, qyzamyq, qyzylsha, sibir jarasy jáne bezgek aýrýymen aýyratyndar tirkelgen joq.
«Ótken jyldyń osy kezeńimen salystyrǵanda 45 infektsiialyq aýrýmen aýyrǵandar kórsetkishiniń tómendeýi baiqaldy», - deidi ol.
